2021(e)ko abenduakren 22(a), asteazkena

PERUHARRIA.

 PERUHARRIN 1.MAILAKOEKIN




Gorputz heziketa, kultura eta ingurunea uztartzen duen jarduera da hau. Aurreko urtean hasi ginena eta aurten ere errepikatu duguna.


Bertan Iñaki Perurenak bere baserria erakusten digu. Harriz, historiaz eta istorioz beteta dagoena. Eta lan eskerga eginez, noski.


Eskerrik asko bihotzez Iñaki!!!


HEMEN DITUZUE ARGAZKITXO BATZUK.


1.MAILA

IGERIKETAZ GOZATZEN

 

 IGERIKETA 2. ETA 3.MAILAKOEKIN.



Arten berriro ere Igeriketa landu dute 2. eta 3.mailako ikasleek. Horretarako Gorputz heziketako saio bat eta tutoreen laguntzaz egin dena.


Oso gustura aritu direla esango nuke. Dakitenek hobetu egin dute, eta batzuk bere lehen pausuak eman dituzte ur gainean eta pilo bat hobetu dute ere. Zorionak guztioi!!!


Eta Urte berri on!!!

 

HEMEN DITUZUE 2.MAILAKOEN ARGAZKIAK

2.maila 

 

 HEMEN DITUZUE 3.MAILAKOEN ARGAZKIAK

 3.MAILA 

 

ETA EA ASMATZEN DUZUEN NOR DEN ARGAZKIKOA?



2020(e)ko martxoakren 31(a), asteartea

Gorputz Hezkuntza Google Sites

Guraso agurgarriak,

Erreniega Ikastetxe Publikoko Gorputz Hezkuntzako irakasleok, jarduera fisikoak duen garrantzia goraipatu nahi dugu.

Guri bururatu zaizkigun jolasak, kirol egokituak, app eta link interesgarriak atxikituko dizkizuegu hemen azpian duzuen google sites gunean. 



Egunak pasa ahala, gauza interesgarriak bururatzen edo harrapatzen baditugu, gehitzen joanen gara.


Goraintziak

Erreniega Gorputz Hezkuntza Saila

2019(e)ko martxoakren 6(a), asteazkena



ERRUGBIA
Azken egun hauetan kirol honen inguruan ikasi eta gozatzeko aukera izan dugu. Talde lanaren garrantziaz ohartu gara, gorputza eta burua biak elkar lanean ibili behar ditugunaren kontzientzia hartzeko balio izan digu, berdinen arteko kontaktua eta errespetua esperimentatzeko aukera izan dugu, gure artean komunikaziorik gabe ez goazela inora ikusi dugu... Ikus dezagun ze nolako emaitza lortu duzuen!


2018(e)ko azaroakren 21(a), asteazkena

SASKIBALOIA




SASKIBALOIA


1891eko urtean, James Naismith kanadiarrak, AEBtako Sprinfield-eko YMCA unibersitateko irakasleak asmatu zuen.
Baloi bat sare zintzilik duen saski batean sartzean datzan kirola da.Jokuaren helburua denboraren amaieran ( 40 minutu) beste taldeak baino puntu gehieago lortzea da. Partidua ez da bukatzen irabazlerik ez balego, kasu horretan luzapena jolasten da. Bost jokalarik osaturiko bi taldek jokatzen dute aurrez aurre, 10 minutuko iraupena duten lau zati edo laurdenetan. Normalean zelaia 28 metro luze eta 15 metro zabalera neurtzen du. Uztaiak lurretik 3,05 metrotara kokatuta dago baino zuen adinetan 2,60 metroa altueran kokatuta dago.






Zelaian marra batzuk daude:

Zona
Lauki zuzena itxura duen zonaldea. Bertan 3 segundu baino gehiago egoteak debekatuta du erasotzaileak. Jaurtiketa libreko marrak mugatzen du honen amaiera.

Jaurtiketa libre marra
Jokalari bat jaurtiketa egiten duen momentuan ( 2ko zein hirukoa) falta bat jasotzen badu, puntu bakar balio dituen 1,2, edo 3 jaurtiketa burutuko ditu marra honetatik.

3ko marra
Saskitik 6,75 metrora dagoen marra da. Marra horren atzetik lortutako saskiratzeak 3 puntukoak dira.
Marra honen barrutik lortutako saskiratzeak 2 puntutakoak ( baldin eta jaurtiketa libre ez bada).

Zelai erdiko marra
Eraso eta defentsarako joku eremuak mugatzen ditu. Erasotzen ari den taldea marra honetatik pasatzen denean, ezin da atzera bueltatu. Arautegi hauste hau egitekotan, baloia beste taldekoei emango die eta zelai erditik aterako dute.

Alboko eta fondoko marrak
Marra hauek zelaia mugatzen dute. Baloi duen jokalariak ezin du ez zapaldu ez da pasatu ere ez.

Arautegiko hutsegite arruntenak:
Falta: Aurkaria ezin dugu bultzatu, kolpatu. Jokalari batek bost falta egiten dituenean ezin du zelaian jarraitu eta ordezkoen aulkitik beste bat aterako da.
Urratsak: Baloia botatzen joan, edo hartu eta gero ezin dira 2 urrats, pauso, baino gehiago eman.
Dobleak: Inolaz ere ez, ezin da bi eskuekin boteak eman.
Oina: Oinarekin ezin da baloia nahitaz ukitu.
Erasoan zaudenean ezin da 3 “ baino gehiago egon.
Alboko edo fondoko sakea. Baloiaren jabe den jokalaria ezin du alboko marra zapaldu edo pasatu.
24 segundu: Taldeak jaurtiketa bat egiteko erabil dezake denbora da.
Kanpo atzera : Behin zelaiko erdiko marra pasatu ezin da baloiarekin atzera egin.

Jokalari batek ahal du baloia botatu, pasatu, jaurti, lapurtu, ibilbide edo jaurtiketa oztopatu baino aurkaria ukitu edo bultzatu gabe, kasu horretan falta izango litzateke. Falta egiten dioten jokalaria jaurtitzen baldin badago egoera horretan jaurtiketa libreak egingo ditu, 2 ala 3 kontutan harturik falta non izan den.

Puntuaketa:
3 saskiratze motak daude 1, 2 eta 3 puntutakoak.
Puntu batekoak, falta eta gero saskiratutako jaurtiketa libre.
2 puntutakoak, jokuan sartutako jaurtiketak hiruko marraren barrutik, edo marra hau zapaltzen.
3 puntutakoak, hiruko marraren atzetik saskiratutako jaurtiketak.






2018(e)ko urriakren 24(a), asteazkena

ESKU PILOTA


ESKU PILOTA




Pilotalekua ala frontoia pilota jokatzen den joko eremu laukizuzena da. Antzina, pilotalekuak belar soroak (soropil edo pilota soro izenekoak) ziren, hormarik gabe; gero, plazak, oraindik hormarik gabe; eta, gaur egun, gehienek horma bat, bi edo hiru dituzte (gutxienez alde bat, paretarik gabe). Pilotaleku hormadunari frontoia ere esaten zaio.

Ezkerreko pareta luzeak ezker pareta du izena. Haren eskuinera dago pareta garrantzitsuena, frontis izenekoa. Frontisean, lurretik metro batera, burdinazko xafla bat dago; pilotariak pilota jo ondoren, pilotak xafla horren eta goialdeko beste xaflaren artean jo behar du, tantoa ona izango bada (pilotariak jotzen duenetik frontiseraino, ezker pareta besterik ezin du ukitu pilotak). Pilotalekuaren atzealdean dagoen pareta txikiar errebote deitzen zaio.




Lurrean, beste bi marra daude, falta, labur (edo motz) eta luze edo pasa izenekoak. Pilota sakatzen denean, bi marra horien artean egin behar du botea, ona izan dadin. Ezker pareta marra zenbakidunez beterik dago, frontisetik erreboterainoko distantzia adierazteko: koadroak dira. Koadroaren zenbakia zenbat eta handiagoa izan, frontisetik urrunago egongo da, eta errebotetik hurbilago.
Esku huskako pilotan, oro har, sakea lau koadrotik egiten da, eta pilotak, frontisa jo ondoren, lau eta zazpi koadroen artean egin behar du punpa. Hala ere, pilota aldaera batetik bestera eta kategoria batetik bestera aldatzen dira sakerako koadro horiek. Arruntena bi edo lau pertsonak jokatzea da (banaka edo binaka). Lehiaketa arautuetan, alde bat gorria izango da, eta haren aurkaria urdina.


Partidak 22 tantora izaten dira, denbora mugarik gabe. Tanto kopuru zehatz batetara ailegatzen den lehenengoak irabazten du.
Buruz buruko txapeldunak beti gorriz jokatzen du; bestela, jokalari zaharrena izango da gorria (eta, binaka jokatuz gero, haiekin batera doazenak ere gorriz arituko dira). Binaka jokatuz gero, bikoteko jokalari bat aurrean arituko da, eta bestea atzean. Nork sakea atera behar duen erabakitzeko zozketa egiten da, alde bat urdin eta bestea gorri dituen txanpon moduko batekin.
Tantoa irabazi duenak edo taldeko aurrelariak sakatzen du. Sakea ona izateko, zoruko zabaleko marraren, «labur» edo «motz» edo falta dioen marraren eta «pasa» dioen marraren artean egin beharko du punpa pilotak, frontisa jo ondoren; hala ere, bigarren sakea egiteko aukera izango du, baldin lehenengo aldiz sakatzean pilotak frontisa eremu egokian jo ondoren lehenengo botea zabaleko marratik barrura eta pasako marratik atzera (edo marra horietako edozein ukituz) egiten badu. Sakea txarra denean inolaz ere ez da errepikatzen .
Puntua edo tanto lortzen da beste taldeak ez badu lortzen pilotak frontisa jo dezan beheko txaparen, goiko txaparen eta frontiseko eskuin marraren artean (betiere, txapa eta marra horiek ukitu gabe), eta ondoren pilotak botea egin dezan jokalekuko zoruko mugen barruan (eskuineko marra ukitu edo gainditu gabe). Pilotariak pilota jo baino lehenago pilotak bote bat baino gehiago egin badu, aurkariarentzako tantoa da. Jokalariek ezin diote pilotari eutsi (sakatzeko baino ez), kolpekatu behar dute halabeharrez. Pilotari eustea, atxikia da.
Frontoi motak: trinketa, plaza libre eta ezker paretako frontoia

Hau gure frontoia


Orain ikusiko dugu tanto zoragarri bat

















2018(e)ko martxoakren 12(a), astelehena

GURE BEISBOL


9 jokalari dituzten bi talden arteko leiha da. Jolasteko pilota eta bate bat behar dugu.

Jokuaren helburua

Jokuaren helburua aurkaria baino lasterketa gehiago lortzea da.
Jokalari batek bateatu eta gero, lehenengo, bigarren, hirugarren base pasatuta kanporatuta izan gabe berriz homera ailegatzen bada, lasterketa bat lortzen du.

Partidu baten garapena

Beisbol partidu bat sarreren bidez garatzen da.
Sarreren kopurua mailaren arabera izaten da. Helduak 9 sarreretara aritzen dira, maila txikiagoetan sarrera kopurua txikiagoa izaten da, herrialdearen arabera, txapelketaren arabera...
Beisbol partiduak ezin dira berdinketarekin bukatu, beti irabazle bat egon behar horretarako partidua luzatuz.

Sarrera

Eraso dagoen taldea, partaide guztiak bateatu dutenean edo hiru partaide kanporatutak direnean, bateatzeko taldea aldatzen da eta hauek bateatu edo hiru taldekide kanporatzen direnean sarrera bat bukatu dela erran genezake.


Jokalariak kanporatzeko moduak

  • Bateatutako pilota, defensan dagoen taldeko edozeinek airen hartzen duenenan.
  • Bateatzen dagoen jokalariak hiru huts, strike, egiten duenean.
    *foul ball , bateatutako pilota zelaiaren alboetatik atera eta bote kanpoan ematen duenean, strikea da. 2 strikekin zaudenean ez da strika , jaurtiketa errepikatzen da.
  • Eraso dagoen jokalari bati basea ixten. Basea ixteko defensan dagoen edozein jokalariak pilota eskuetan duelarik basea zapaltzen du eraso doan jokalaria baino lehenago.
  • Defensan dagoen edozein jokalari pilota eskuetan duelarik, eraso eta base artean doan jokalariari pilotarekin ukitzen.


Jokalaria behartua

Eraso dagoen jokalari batek taldekideren bat behar duen basea betetzen baldin badu, derrigorrez korrika egin behar du eta kanporatzeko bi modu daude, basea ixten edo ibilbidean doanean pilotarekin ukitzen.

Jokalari ez behartua

Honek derrigortua ez dagoenez, atzera egin dezake, baino bidean pilotarekin ukitzen badute kanporatuta izango da.

Arau nagusiak

  • Bateatzailek beti bi eskuekin bateatu behar du, nahi ta nahi ez.
  • Bateatzaile ezin da base batetik pasatu hau zapaldu gabe.
  • Bateatzaile ezin da base batetik pasatu hau itxita badago.
  • Ezin dira talde bereko bi lagun base berean egon, eraso dagoen taldekoak.


Jokaldiak

  • Home run, pilota beteatzen dugunean eta jokaldi berean base guztiak betetzen dugunean.
  • Strike, bateatzerakoan huts egin.
  • Ball, batetzerakoan pilota jotzeko saiakerarik ez egin, modu ez egokian zetorrelako.
  • Foul ball, Bateatzerakoan pilota alboetatik zelaitik kanpo ateratzen denenan.
  • Out, norbait kanporatu.
  • Run, jaurtiketa batetan jokalariek buelta osoa ematea.



Hiztegia
  • Pitcher, jaurtitzaileak, jaurtiketa egiten duena.
  • Catcher, base zaintzailea.


     

    Jokalarien kokapena


    P: jaurtitzailea (Pitcher).
    C: jasotzailea (Catcher).
    1B: lehen basea (First baseman).
    2B: bigarren basea (Second baseman)
    3B: hirugarren basea (Third baseman).
    SS: erdilaria (Short stop)
    LF: ezkerreko kanpoaldea (Left fielder).
    CF: erdialdeko kanpoaldea (Center fielder).
    RF: eskuineko kanpoaldea (Right fielder).